Farg`ona davlat universiteti

​REKTOR UCHRASHUVLARI DAVOM ETMOQDA

San'atshunoslik fakulteti jamoasining ilmiy salohiyatni oshirish masalalariga bag'ishlangan uchrashuv bo'lib o'tdi.

Oliygoh rektori raisligida olib borilgan mazkur yig'ilishda fakultet jamoasi, kafedralar mudirlari, professor-o'qituvchilar ishtirok etdilar.

Kun tartibida fakultetning ilmiy salohiyati, ilmiy daraja va unvonlar olish, dunyoning nufuzli 1000 taligiga kiruvchi OTMlar bilan hamkorlik, iqtiboslik darajasi, xalqaro va Respublika ilmiy jurnallarida maqolalar chop etilishi holati, monografiyalar, o'quv qo'llanmalar, darsliklar ko'lami, xorijiy o'qituvchilar va talabalarning jalb etilishi, akademik almashinuvlar doirasi, yoshlarni ilmiy faoliyatga jalb etish va boshqa muhim masalalar jamoa e'tiborida bo'ldi. Ushbu yo'nalish bo'yicha ko'rsatkichlar va natijalar - kafedralar kesimida muhokama etildi.

Shuningdek, kun tartibida bo'lgan talaba-yoshlar tarbiyasi va ularning ma'naviy, huquqiy dunyoqarashlarini oshirish masalasi tahliliy o'rganildi.