Farg`ona davlat universiteti

​Ingliz tili va adabiyoti fakultetida talabalar talaffuz mahoratini oshirmoqda!

Ingliz tili va adabiyoti fakulteti Amaliy ingliz tili kafedrasi professor-o‘qituvchilari tomonidan talabalar bo‘sh vaqtini mazmunli va samarali o‘tkazish maqsadida turli to‘garak mashg‘ulotlari yo‘lga qo‘yilgan.

Shulardan biri — “PhonoQuest” nomli to‘garak bo‘lib, u talabalar uchun ingliz tili talaffuzi va fonetikasini chuqur o‘rganish, nutq ohangini to‘g‘ri shakllantirish hamda so‘zlashuv jarayonida tabiiy talaffuz ko‘nikmalarini rivojlantirish imkoniyatini yaratmoqda.

To‘garak rahbari S.Shermamatova boshchiligida tashkil etilgan mashg‘ulotlarda interaktiv usullar, tovush o‘yinlari, tinglab tushunish mashqlari hamda ijodiy topshiriqlar orqali talabalar ingliz tili talaffuzini mukammallashtirishga intilmoqda.

“PhonoQuest” – bu aniq talaffuz, chiroyli nutq va ishonchli muloqot sari qadam!