Farg`ona davlat universiteti

ILMIY XUSHXABAR

Farg‘ona davlat universiteti ilmiy jamoatchiligi uchun yana bir quvonchli yangilik! Pedagogika-psixologiya va san’atshunoslik fakulteti huzuridagi Maktabgacha ta’lim kafedrasi o‘qituvchisi Matmusayeva Muhayyo Azamovna o‘z ilmiy izlanishlarining yuksak natijasiga erishdi.

U 10.00.01 – O‘zbek tili ixtisosligi bo‘yicha tayyorlagan “O‘zbek bolalar o‘yin nomlarining lingvomadaniy xususiyatlari” mavzusidagi filologiya fanlari bo‘yicha falsafa doktori (PhD) dissertatsiya ishini Farg‘ona davlat universiteti huzuridagi ilmiy darajalar beruvchi DSc.03/30.12.2019.Fil.05.02 raqamli ilmiy kengashda muvaffaqiyatli himoya qildi.

Eng e’tiborlisi, ilmiy kengash a’zolari tomonidan dissertatsiya 100% ovoz bilan qo‘llab-quvvatlandi. Bu natija tadqiqotning ilmiy ahamiyatini, mavzuning dolzarbligi va dissertantning izlanishlaridagi puxtalikni yana bir bor tasdiqlaydi.

Matmusayeva Muhayyo Azamovnaning ilmiy ishi o‘zbek bolalarining qadimdan shakllangan o‘yin madaniyatiga, o‘yinga berilgan nomlarning:

• -lingvistik talqini,
• -madaniy mazmuni,
• -semantik ildizlari,
• -xalq og‘zaki ijodi bilan bog‘liqligi,
• -bolalarning ma’naviy rivojlanishiga ta’siri kabi jihatlarni chuqur ilmiy tahlil etishga qaratilgan.

Bolalar o‘yinlari orqali xalqning dunyoqarashi, qadriyatlari, tarbiyaviy qarashlari va ma’naviy merosining qanday aks etishi bo‘yicha olib borilgan tadqiqotlar filologiya va madaniyatshunoslik yo‘nalishlari uchun muhim manba bo‘lib xizmat qiladi. Mazkur dissertatsiya:

• -milliy o‘yinlar tilshunoslik nuqtai nazaridan o‘rganilishiga yangi yondashuvlar taklif qilgani,
• -lingvomadaniy tahlilning nazariy va amaliy asoslarini boyitgani,
• -milliy tarbiya jarayonida o‘yinlarning ahamiyatini ilmiy jihatdan asoslagani bilan ahamiyatlidir.

O‘zbekistonning boy madaniy merosini ilmiy jihatdan chuqur o‘rganish, uni kelajak avlodga yetkazish yo‘lidagi bu tadqiqot katta ilmiy va amaliy qiymatga ega.