Farg`ona davlat universiteti

XALQARO ANJUMAN:YANGI G‘OYALAR VA ILMIY HAMKORLIK MAYDONI

Farg‘ona davlat universitetida zamonaviy falsafaning dolzarb yo‘nalishlariga bag‘ishlangan “Zamonaviy falsafiy tadqiqotlarda ilm-fan, din va mafkura munosabatlari: muammo va yechimlar” mavzusidagi xalqaro ilmiy-amaliy konferensiya o‘tkazildi. Anjuman globallashuv sharoitida jamiyatning ma’naviy-ma’rifiy rivoji, tanqidiy fikrlashni kuchaytirish va ilmiy dunyoqarashni mustahkamlash kabi masalalarni chuqur tahlil qilishga qaratildi.

Konferensiyada:

• - O‘zbekistonning yetakchi oliy ta’lim muassasalari olimlari, professor-o‘qituvchilari va talabalar,
• - Rossiya, Qozog‘iston va Qirg‘izistonning turli ilmiy markazlaridan kelgan tadqiqotchilar, falsafa sohasi bo‘yicha yetuk mutaxassislar ishtirok etdi. Ularning ishtiroki tadbirning xalqaro ilmiy ahamiyatini yana-da oshirdi.

Anjumanda zamonaviy falsafiy tadqiqotlarda ilm-fan, din va mafkura o‘rtasidagi o‘zaro bog‘liqlik, ular orasida yuzaga keladigan konseptual muammolar hamda zamonaviy yondashuvlar orqali taklif etilayotgan yechimlar keng muhokama qilindi.

Ma’ruzachilar tomonidan quyidagi yo‘nalishlar atroflicha yoritildi:

• -ilm-fan taraqqiyotining ma’naviy hayotga ta’siri;
• -dinning jamiyatdagi integratsion roli;
• -mafkura va yoshlar ongini shakllantirishdagi zamonaviy tendensiyalar;
• -globallashuv davrida insoniyatning axloqiy va intellektual mas’uliyati.

Tadbir davomida turli ilmiy maktablarning vakillari o‘zlarining yangi tadqiqot natijalari bilan o‘rtoqlashib, muntazam xalqaro hamkorlikni rivojlantirish borasida kelgusidagi istiqbollarni muhokama qildilar. Konferensiya yosh tadqiqotchilar uchun:

• -intellektual o‘sish,
• -tajriba almashish,
• -innovatsion fikrlarni ilgari surish,
• -ilmiy izlanishlar uchun yangi yo‘nalishlar topish imkoniyatini yaratdi.

Farg‘ona davlat universitetida o‘tkazilgan ushbu xalqaro anjuman falsafa ilmining zamonaviy muammolarini keng qamrovda yoritib berish bilan birga, ilmiy hamjamiyatning o‘zaro muloqotini mustahkamlashga xizmat qildi. Tadbir natijalari kelgusida ilmiy izlanishlarni yanada chuqurlashtirish va xalqaro ilmiy hamkorlikni rivojlantirishga zamin yaratishi shubhasiz.