Farg`ona davlat universiteti

SPORTNING MINI-FUTBOL TURI BO‘YICHA MUSOBAQALARGA START BERILDI.

Oliy ta’lim muassasalari talabalari o‘rtasida sportning mini-futbol turi bo‘yicha musobaqalar boshlandi. Jumladan, Farg‘ona davlat universiteti talaba-yoshlarini jismoniy chiniqtirish va ommaviy sportga jalb etish maqsadida 15 ta fakultetdan futbol jamoalari saralanib, musobaqaning universitet bosqichiga start berildi.

Ochilish marosimida Oliy va o‘rta maxsus ta’lim vaziri o'rinbosari Y.Absoatov ishtirok etib, ishtirokchilarni samimiy qutladi.

Vazir o'rinbosari o'z so'zida mamlakatimizdagi 106 ta oliy ta’lim muassasalari talabalari o‘rtasida o‘tkazilayotgan mini-futbol sport musobaqasi fakultet – universitet – hududiy oliy ta’lim muassasalari – Respublikadarajasida o‘tkazilayotgani to‘g‘risida ma’lumot berib, jamoalarga omad tiladi.

Shundan so‘ng musobaqalarga qur’a tashlanib, sport musobaqasi boshlanib ketdi.