Farg`ona davlat universiteti

​KUCH VA MAHORAT MAYDONI

Farg’ona davlat universitetining Harbiy ta’lim fakultetida o‘tkazilayotgan dala-o‘quv mashg‘ulotlari yurt himoyachilari bo’lgan kursantlarimizning yuksak harbiy mahoratini oshirishga, mustahkam iroda va matonat egasi bo’lishga, o‘z Vataniga sadoqatli mard o’g’lon bo’lib yetishishida muhim ahamiyat kasb etadi.

Dala-o‘quv mashg‘ulotlari yoshlarning bilim va ko‘nikmalarini, mahorat va tajribalarini oshirishga, iroda va matonatlarini yana bir bor sinovdan o‘tkazishlari uchun tajriba maydonidir.

Harbiy ta'lim fakultetining 2-bosqich talabalari ham aynan shu maqsadda dala-o'quv amaliyotini o'tashga kirishdilar. Kursantlar Farg'ona viloyatida joylashgan Sharqiy harbiy okrug poligonida dala-o'quv mashg'ulotlarida faol qatnashib, harbiy texnikalarda o'z tajribalarini oshirmoqdalar.