Farg`ona davlat universiteti

UNIVERSITET REKTORI VA TALABALAR MULOQOTI

Ayni kunlarda Farg'ona davlat universiteti rektori Bahodirjon Shermuhammadovning fakultetlararo talaba-yoshlar bilan muloqoti bo'lib o'tmoqda!

Bugun Ingliz tili va adabiyoti fakulteti talabalari bilan bo'lb o'tgan muloqotda esa yoshlarning bo‘sh vaqtlarini mazmunli tashkil etish, xorijiy tillar va axborot texnologiyalarini puxta o‘rganish, adabiyot, san’at, madaniyat sohasidagi qiziqishlarini o'stirish, intilishlardan tolmaslik kabi masalalarda so'z bordi.

Suhbatda universitet rahbari talabalarga kerakli tavsiyalar berib, yetuklik yo'lida milliy tarbiya, bilim, odob-ahloq, to'g'rilik, ahillik, intizom - muhim fazilat ekanligini ta'kidladi.

Yoshlarga talabalik baxti, o'z oldiga orzu-maqsad qo'ya olish, sinovlarga sabr-toqat, zakovat bilan yondoshishlari zarurligi uqtirildi. Ayniqsa, rektor Respublikamizning boshqa hududlaridan kelib ta'lim olayotgan tengdosh talabalar bilan ahil bo'lish, do'stona munosabatlarni kengaytirish xususida alohida to'xtalib o'tdi.

Universitet rahbari talabalarga savollar bilan bemalol, erkin tarzda murojaat qilishlari mumkinligini bildirib, ularning taklif va muammolarini ham tinglab bordi.