Farg`ona davlat universiteti

O‘zbek tili bayrami kuni

21-oktabr - ‘‘O‘zbek tili bayrami kuni‘‘ munosabati bilan Farg'ona davlat universitetida ma'naviy-ma'rifiy bayram tadbiri bo'lib o'tdi.

Bayram tadbirida nutq so‘zlagan oliygoh rektori Bahodirjon Shermuhammadov kirish so'zida tilimizning bugungi kundagi nufuzi, davlat tilini rivojlantirish bo'yicha Muhtaram Prezidentimiz tashabbuskorligida amalga oshirilayotgan islohotlar xususida alohida to'xtalib o'tdi.

Tadbirda Filologiya fakulteti professor-o‘qituvchilari, tilshunos olimlar, xorijiy mehmonlar tomonidan o‘qilgan ma’ruzalarda tilimizning boy tarixi, betakror jozibasi qayta kashf etildi.

Tadbir davomida yangragan kuy va qo‘shiqlar, talaba-yoshlar ijrosidagi she'rlar, turli chiqishlar jonajon tilimizning go'zal tarifi sifatida jarangladi.