Farg`ona davlat universiteti

FIZIKA-TEXNIKA FAKULTETI ILMIY FAOLIYATI - REKTOR NIGOHIDA

Bugun Bahodirjon Shermuhammadov raisligida bo'lib o'tgan yig'ilishda Fizika-texnika fakulteti professor-o'qituvchilarining ilmiy faoliyati o'rganildi. Dastlab universitet rahbari muloqotda Xitoy ilmiy tajribasi misolida faoliyatda tezkorlik, innovatorlik, millatga, mamlakatga, ta'limga sadoqat, jonkuyarlik fazilatlari zarur ekanini aytar ekan, barchani o'z ishiga vijdonan, diyonat bilan yondoshishini ta'kidladi. Yig'ilishda ilmiy salohiyatni oshirish borasida kafedralarda olib borilayotgan ishlar natijadorligi chuqur muhokama etildi. Bunda Scopus bazasiga oid ilmiy jurnallarda, xalqaro jurnallarda maqolalar e'lon qilish, chop etilayotgan monografiyalar ko'lami va boshqa muhim masalalar tanqidiy tahlil etildi.