Ma'lumki, joriy o‘quv yilidan oliy ta’lim muassasalari "Talabalar ligasi" sport musobaqalari o‘tkazilishi yo‘lga qo‘yilgan edi. Universitetimizda ham mazkur musobaqaning fakultet va universitet bosqichlari yuqori saviyada o‘tkazilib, terma jamoalar shakllantirildi. Ushbu musobaqaning Respublika bosqichi joriy yilning 24-28-may kunlari Namangan, Navoiy va Toshkent shahrida o‘tkaziladi. Universitet jamoasi ham Respublika bosqichida munosib ishtirok etish maqsadida tajribali murabbiylar qo‘l ostida puxta tayyorgarlik ko‘rdi. Bugun universitet rektori Bahodirjon Shermuhammadov jamoalar bilan uchrashib, sportchi yoshlarga zafarlar tiladi va hamisha ularning intilishlarini qo'llab-quvvatlashini bildirdi.
Barcha huquqlar himoyalangan. © 2025
Iltimos, kuting. Yuklanyapti...
