Farg`ona davlat universiteti

FarDU talabasi Hayitboy - "Kelajak bunyodkori" medali sohibi!

Ma’lumki, Muhtaram Prezidentimiz yaqinda Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini «Kelajak bunyodkori» medali bilan mukofotladi.

Quvonarlisi, ushbu yoshlar orasida Farg‘ona davlat universiteti talabasi Hayitboy Hasanov ham bor. Bugun unga oliygohdagi barcha talabalar havas bilan qaramoqdalar va tengdoshlariga qaratilgan e’tibordan o‘zgacha kuch olmoqdalar.

Talaba-yoshlarda ertangi kunga ishonchni yanada mustahkamlash, ularda vatanparvarlik tuyg‘ularini tarbiyalab borish, tengdoshdan-tengdoshga tamoyili asosida “talababay” ishlash, mehnatni samarasini yuksak ekanini amalda ko‘rsatish maqsadida bugun FarDUda yuksak davlat mukofoti “Kelajak bunyodkori” medali sohibi Hayitboy Hasanov va talaba-yoshlar uchrashuvi tashkil etildi.