Farg`ona davlat universiteti

​Kuni kecha Farg‘ona davlat universiteti rektori Bahodirjon Shermuhammadov oliygohning Sirtqi ta’lim bo‘limi jamoasi bilan uchrashdi

Uchrashuvda fakultetning xalqaro va milliy reytinglardagi ilmiy samaradorlik darajasi rektor diqqat markazida bo'ldi. Unda professor-o’qituvchilar, ishchi-xodimlar, kafedralar a'zolari ishtirok etdilar. Jamoa bilan ochiq muloqotda olib borilgan yig‘ilish kun tartibidan jamoaning ilmiy salohiyati,ilmiy daraja va unvonlar olish, dunyoning nufuzli 1000 taligiga kiruvchi OTMlar bilan hamkorlik, iqtiboslik darajasi,xalqaro va Respublika ilmiy jurnallarida maqolalar chop etilishi, monografiyalar, o'quv qo'llanmalari ko'lami, xorijiy o'qituvchilar va talabalarning jalb etilishi, akademik almashinuv masalalari o'rin oldi.

"Dunyo qalqib turgan davrda yurtimizda Muhtaram Prezidentimiz ilm uchun, ma'rifat uchun, ta'lim uchun barcha sharoitni yaratib bergani pirovardida har birimiz o'zimizdagi burch va ma'suliyat ijrosini xalqaro maydonda ko'rsatishimiz kerak",deya ta'kidladi rektor Bahodirjon Shermuhammadov.