Farg`ona davlat universiteti

​“Young Professional Internships Program” dasturini bilasizmi?

Kuni kecha FarDUda Xalqaro taʼlim bo‘yicha Аmerika Kengashlarining (ACIE) O‘zbekistondagi filiali tomonidan АQSh elchixonasi bilan hamkorlikda yurtimizda amalga oshirilishi rejalashtirilayotgan bir qator taʼlim dasturlari hamda loyihalarini o'rganish bo'yicha talaba-yoshlarga foydali bo'lgan trening tashkil etildi. Bunda “Young Professional Internships Program” dasturiga oid taqdimot o‘tkazilib, dasturning mazmun-mohiyati bo'yicha tushuntirish olib borildi. Ma'lumot uchun, mazkur dastur O‘zbekiston Respublikasining 105 nafar 3 va 4-chi bosqich talabalariga 2024-yil 2-iyun – 22-avgust (3 oy) davomida yurtimizdagi kichik va o‘rta korxonalarda kasbiy amaliyot o‘tash imkoniyatini yaratadi. Treningda Ingliz tili va adabiyoti, Chet tillari, Iqtisodiyot fakultetlari talabalari ishtirok etdilar.