Farg`ona davlat universiteti

​Vatanparvarlar bayrami davom etmoqda

"14-yanvar Vatan himoyachilari kuni" bayrami munosabati bilan respublikamiz bo'ylab tadbirlar davom etmoqda. Xususan, bugun Farg'ona davlat universiteti rektori tashabbusi bilan sport musobaqalarida g'oliblikni qo'lga kirirtgan Harbiy ta'lim fakulteti ofitser-o'qituvchilarining taqdirlash marosimi bo'lib o'tdi. Tadbirda Bahodirjon Shermuhammadov ushbu vatanparvarlik tantanasi bilan fakultet jamoasi har bir a'zosini samimiy muborakbod etdi va musobaqalarda g'oliblikni qo'lga kiritgan ishtirokchilarga estalik sovg'alarini topshirdi. Taqdirlash marosimi bayramona kayfiyatda davom etar ekan, tadbirda so'z olganlar o'tkazilayotgan bu kabi tanlovlar, bellashuvlar jamoada va talaba-yoshlarda yurtga muhabbat, oliygohga hurmat tuyg'ularini oshirishga xizmat qilayotganini e'tirof etdilar.