Farg`ona davlat universiteti

​AMIR TEMUR AVLODLARI

Amir Temur ma’naviy kamolotiga yoshlik va o’smirlik yillaridayoq mustahkam asos qo’yilgan edi. Buning natijasi o’laroq u mard, dovyurak, o’tkir zehn va aql-idrok egasi bo’lib kamolga yetdi. Zamondoshlari uning yuksak ma’naviyat sohibi hamda ilmu fan ahliga bo’lgan munosabatini “Temur olimlarga mehribon bo’lib, sharofatli sayyidlarni o’ziga yaqin tutardi. Ulamolar va fozillarga izzat hurmat ko’rsatib, ularni har qanday odamdan muqaddas tutardi. Ularning har birini o’z martabasiga qo’yib, mazmunli bahslar yuritar edi”, deya e’tirof etganlar.

Darhaqiqat, Amir Temur va temuriylar davriga nazar soladigan bo’lsak, bu davrlarda ilm-fan va ma’daniyat gullab yashnaganiga guvoh bo’lamiz.

Sohibqiron Amir Temur tavalludining 689 yilligiga bag’ishlangan tadbirlar doirasida Farg’ona davlat universitetining Tarix fakulteti professorlari hamda Fargʻona shahridagi Prezident maktabi o’quvchilari ishtirokida “Amir Temur va temuriylar ibrati” mavzusida davra suhbati o‘tkazildi.