Farg`ona davlat universiteti

KADRLAR SALOHIYATINI OSHIRISH

Farg'ona davlat universiteti huzuridagi ilmiy darajalar beruvchi Dsc.03/30.12.2019. Fil.05.02 raqamli Ilmiy kengashining navbatdagi majlisi bo’lib o’tdi.

Mazkur yig’ilishda Chet tillari fakulteti ingliz filologiyasi kafedrasi oʻqituvchisi Ubaydullayeva Durdona Raxmonjon qizining 10.00.06 - qiyosiy adabiyotshunoslik, chog'ishtirma tilshunoslik va tarjimashunoslik ixtisosligi boʻyicha falsafa doktori (PhD) darajasini olish uchun taqdim etgan ilmiy ish himoyasi tinglandi.

Ubaydullayeva Durdona Raxmonjon qizi “Shart komponentli gipotaksemalarning lingvokognitiv, lingvokulturologik jihatlari hamda tarjima muammolari (ingliz va o'zbek tillari materialiasosida)” mavzusidagi erishilgan natijalari bo‘yicha batafsil ma’lumot berdi.

Ilmiy ishi Ilmiy Kengash a’zolari tomonidan chuqur va har tomonlama muhokama qilindi. Ovoz berish natijalariga ko‘ra, Ilmiy Kengash a’zolarining 100% ovozi bilan Ubaydullayeva Durdona Raxmonjon qiziga filologiya fanlari bo’yicha falsafa doktori (PhD) ilmiy darajasini berish to‘g‘risida qaror qabul qilindi.