Farg`ona davlat universiteti

XALQARO REKTORLAR FORUMI

10:25, 29.05.2025      

Andijon davlat universitetida “O‘zbekiston–Ozarbayjon: oliy ta’lim sohasida hamkorlikni rivojlantirishning ustuvor yo‘nalishlari” mavzusida O‘zbekiston va Ozarbayjon oliy ta’lim muassasalari rektorlari ishtirokidagi birinchi forum bo’lib o’tdi.

Mazkur forum O‘zbekiston va Ozarbayjon: Oliy ta’lim, fan va innovatsiyalar sohasidagi hamkorlikningyangi bosqichga yo’l ochib berdi.

Forumning ilk kunida ikki davlat o‘rtasidagi ta’lim, fan va innovatsiyalar sohasidagi hamkorlikni yanada mustahkamlashga qaratilgan yalpi majlis bo‘lib o‘tdi. Unda oliy ta’lim, fan va innovatsiyalar sohalaridagi o‘zaro hamkorlik istiqbollari, jumladan akademik almashinuv, qo‘shma ta’lim dasturlari va ilmiy-tadqiqot loyihalari yuzasidan ma’ruzalar tinglandi, tajriba almashildi.

Anjumanda so'zga chiqqan Farg'ona davlat universiteti rektori Bahodirjon Shermuhammadov Farg'ona davlat universiteti va Ozarbayjonning "ODLAR YURDU"universiteti o'rtasidagi yo'lga qo'yilgan hamkorliklar haqida to'xtalib o'tar ekan, forum doirasida ushbu imkoniyatlar yanada kengayishiga va kelgusida o'z samarasini ko'rsatishiga ishonch bildirdi.

Muzokaralar natijasida 60 ga yaqin anglashuv memorandumi, hamkorlik bitimi va yo‘l xaritalari imzolandi.

Ushbu muzokaralarda Farg'ona davlat universiteti rektori - Bahodirjon Shermuhammadov ham bir qator hamkorlik bitimlarini imzoladi.

Xususan, Ozarbayjon Texnika universiteti;

• - Ozarbayjon davlat iqtisod universiteti;
• - Ozarbayjon davlat pedagogika universiteti;
• - Ozarbayjon texnologiya universiteti;
• - Boku davlat universiteti;
• -Naxchivon davlat universiteti;
• -Lankaran davlat universitetlari orasida memorandumlar imzolandi va maqsadli kelishuvlarga erishildi. Ushbu hujjatlar hamkor oliy ta’lim muassassalari bilan ta’lim va ilm-fan sohasidagi strategik sheriklikni mustahkamlashda muhim qadam bo‘ldi.
• Shuningdek, anjuman doirasida oliygoh rektori Bahodirjon Shermuhammadov ikki mamlakat vakillari do’stlik ramzi sifatida va “Yashil makon” loyihasiga asosan daraxt ko’chatlarini o’tkazish marosimida ishtirok etdilar.