Farg`ona davlat universiteti

SPORT FAOLIYATI FAKULTETIDA TANQIDIY – TAHLILIY YIG’ILISH

10:49, 04.06.2025      

Sport faoliyati fakultetida amalga oshirilayotgan ta'lim - tarbiya jarayonini kompleks o'rganish natijalariga bag'ishlangan rektor yig'ilishi bo'lib o'tdi
Yig'ilishda universitet rektori Bahodirjon Shermuhammadov bugun yurtimizda amalga oshirilayotgan islohotlar, yoshlar ta'lim - tarbiyasining davlat siyosati darajasiga ko'tarilganligi haqida ta'kidlab o'tdi.
Yig'ilish kun tartibidan fakultetdagi kafedralar faoliyati, o'quv jarayonining tashkillanishi, ilmiy tadqiqot ishlarini olib borilishi, fakultet ilmiy salohiyati, talabalar davomati, kiyinish madaniyati, Нemis dasturida yo'l qo'yilgan kamchiliklarni bartaraf etish, professor - o'qituvchilarning yillik va shaxsiy ish rejalari, dars mashg'ulotlarini sifatli tashkil etish, o'quv qo'llanmalarning yaratilishi, jamoat tashkilotlari faoliyatini jonlantirish, ma'naviy- ma'rifiy ishlar holati, talabalar bo'sh vaqtini mazmunli tashkil etish va ijara xonadonlarning nazorat qilinishi kabi dolzarb masalalar o'rin oldi.

Davlatimiz rahbarining ta'limga va sportga yaratib berayotgan yuksak imkoniyatlaridan oqilona foydalanish, yosh avlod oldidagi ustozlik burchini vijdonan bajarish zaruriyati, ilm - ma'rifat maskaniga loyiq bo'lish mas'uliyati alohida uqtirildi.
Shuningdek, talaba - yoshlar o'rtasida o'tkazilgan anonim so'rovnomalar natijalari tahlil qilindi.
Fakultet professor - o'qituvchisi Ilyosjon Niyozovning namunali faoliyati, Amerikada 70- yoshliklar orasida bo'lib o'tgan musoboqada faxrli 1- o'rinni olgani va jahon chempionati musobaqalariga paraolimpiadachilar tayyorlashdagi xizmatlari e'tirof etildi.
Yig'ilish so'nggida mavjud muammolarni bartaraf etish yuzasidan bir qator chora - tadbirlar belgilandi, mazkur vazifalar ijrosini ta'minlash soha prorektorlari zimmasiga yuklatildi.