Ishonch telefoni:
(+99873)244-44-15
Ishonch telefoni:
(+99873)244-44-15
Virtual qabulxona
  • Barcha murojaatlar 424
  • Ko`rib chiqilganlar 389
    • Takliflar 57
    • Arizalar 326
    • Shikoyatlar 41
  • Ko`rib chiqilmoqda 35

“DOLZARB 90 KUN” DOIRASIDA SAMARALI TASHABBUS

14:21, 30.07.2025      

Farg‘ona davlat universitetining Jismoniy madaniyat fakulteti professor-o‘qituvchilari xalqaro miqyosdagi ilmiy va ta’limiy aloqalarni mustahkamlash, shuningdek, xorijiy abituriyentlarni o‘z safiga jalb etish maqsadida Qirg‘iziston Respublikasining nufuzli oliy ta’lim muassasalaridan biri – Botkent davlat pedagogika universitetida targ‘ibot ishlarini faol olib bormoqdalar.

Mazkur tashrif “Dolzarb 90 kunlik” tashabbusi doirasida tashkil etilgan bo‘lib, uning asosiy maqsadi – xorijiy yoshlar orasida O‘zbekistonda ta’lim olishga bo‘lgan qiziqishni oshirish, Farg‘ona davlat universitetining ta’lim sifati, boy tarixiy merosi va zamonaviy infratuzilmasi haqida keng ma’lumot berishdir.

Tashrif davomida universitet vakillari Botkent pedagogika universiteti talabalari bilan uchrashuvlar tashkil etib, ularga Farg‘ona davlat universiteti haqida:

  • -Ta’lim yo‘nalishlari va magistratura dasturlari;
  • -Xalqaro hamkorlikda olib borilayotgan loyihalar;
  • -Talabalar uchun yaratilgan shart-sharoitlar;
  • -Farg‘ona viloyatining tarixiy va madaniy merosi haqida atroflicha ma’lumotlar taqdim etishmoqda.

Bundan tashqari, universitetlar o‘rtasida hamkorlik memorandumlarini imzolash rejalashtirilmoqda. Bu esa nafaqat talabalar almashinuviga, balki professor-o‘qituvchilar o‘rtasidagi ilmiy hamkorlikka ham zamin yaratadi.

Farg‘ona davlat universiteti – O‘zbekistonning eng qadimiy va nufuzli oliy ta’lim muassasalaridan biri bo‘lib, yildan-yilga o‘zining ilmiy salohiyati, zamonaviy texnologiyalarga asoslangan ta’lim tizimi va xalqaro reytinglardagi o‘rnini mustahkamlab bormoqda.

Botkentda olib borilayotgan ushbu targ‘ibot ishlari ikki tomonlama hamkorlikda yangi ufqlarni ochib berishi, qardosh xalqlar o‘rtasidagi ilmiy-ta’limiy aloqalarni mustahkamlashi va eng asosiysi, yosh avlod uchun keng imkoniyatlar yaratishi shubhasiz.