Ishonch telefoni:
(+99873)244-44-15
Ishonch telefoni:
(+99873)244-44-15
Virtual qabulxona
  • Barcha murojaatlar 423
  • Ko`rib chiqilganlar 389
    • Takliflar 57
    • Arizalar 325
    • Shikoyatlar 41
  • Ko`rib chiqilmoqda 34

XALQARO TAJRIBA ALMASHINUVI

12:43, 31.07.2025      

Farg‘ona davlat universitetining xorijiy tillarni o‘qitish bo‘yicha ilg‘or pedagoglaridan biri, Nemis va fransuz tillari kafedrasi dotsenti Qobil Kaxarov Germaniyada ilmiy-pedagogik faoliyatini yanada takomillashtirish yo‘lida muhim qadam tashlamoqda. Ayni paytda u Berlin shahrida joylashgan Gyote Instituti (Goethe-Institut)da “Kulturbezogenes Lernen und Deutschland erleben” (“Madaniyatga asoslangan ta’lim va Germaniyani jonli o‘rganish”) nomli malaka oshirish kursida ishtirok etmoqda.

Mazkur kurs — nemis tilini nafaqat grammatik qoidalar asosida, balki Germaniya madaniyati, qadriyatlari va kundalik hayoti bilan uzviy bog‘liq holda o‘qitishga ixtisoslashgan bo‘lib, unda interaktiv dars uslublari, zamonaviy o‘quv materiallaridan samarali foydalanish, hamda Landeskunde — ya’ni mamlakatshunoslik fanini til o‘rgatish jarayoniga integratsiyalash kabi muhim yo‘nalishlar qamrab olingan.

Mazkur kurs davomida:

  • -Madaniyatga asoslangan o‘qitish (culture-based learning) konsepsiyasi bilan tanishmoqda;
  • -Til o‘rganishda interaktiv va kommunikativ yondashuvlarni qo‘llashga doir amaliy mashg‘ulotlarda ishtirok etmoqda;
  • -Raqamli vositalar va multimedia resurslarini darslarga tatbiq etish yo‘llarini o‘rganmoqda.

Ushbu malaka oshirish dasturi o‘qituvchining bilim va ko‘nikmalarini xalqaro darajaga olib chiqish bilan birga, Farg‘ona davlat universitetida xorijiy tillarni o‘qitish sifatini oshirish va talabalarga global tafakkurni shakllantirishda muhim rol o‘ynaydi.