Farg`ona davlat universiteti

FARDU TASHABBUSI: “DOLZARB 90 KUN” DOIRASIDA YOSHLAR BILAN MAZMUNLI UCHRASHUVLAR DAVOM ETMOQDA

Farg‘ona davlat universiteti tomonidan yosh avlod tarbiyasida muhim o‘rin tutuvchi madaniy-ma’rifiy va sport-ma’naviy tadbirlar muntazam ravishda o‘tkazilmoqda. Ayni kunlarda “Dolzarb 90 kun” loyihasi doirasida universitetning barcha fakultetlarida yoshlar bilan bevosita muloqotga kirishib, ularning bo‘sh vaqtini mazmunli va samarali o‘tkazishga xizmat qiluvchi turli tashabbuslarni amalga oshirmoqda.

Xususan, Filologiya fakulteti professor-o‘qituvchilari So‘x tumanida joylashgan yozgi bolalar oromgohida maktab o‘quvchilari bilan uchrashuv tashkil etdilar. Adabiyotga mehr uyg‘otgan ushbu davra suhbati davomida bolalar adabiyoti turkumiga oid sara asarlar yuzasidan jonli va qiziqarli davra suhbati bo‘lib o‘tdi. Unda yoshlar bilan kitobxonlik, adabiyotning inson ma’naviyatidagi o‘rni, vatanparvarlik va ma’rifat haqida fikr almashildi.

Sport – sog‘lom avlod garovi shiori ostida olib borilayotgan tadbirlar doirasida Ingliz tili va adabiyoti fakulteti tashabbusi bilan Marg‘ilon shahridagi 13-sonli umumta’lim maktabi o‘quvchilari ishtirokida sport mashg‘ulotlari va qiziqarli musobaqalar tashkil etildi. Ushbu mashg‘ulotlar nafaqat jismoniy faollikni oshirish, balki jamoaviylik, do‘stlik va raqobat madaniyatini yoshlar ongiga singdirishga xizmat qilmoqda.

Shuningdek, Jismoniy madaniyat fakulteti talabalari esa Farg‘onaning mashhur sport maktablaridan biri bo‘lgan "Neftchi kids" futbol maktabida faoliyat yuritib, yosh futbolchilar bilan muntazam mashg‘ulotlar olib borishmoqda. Yoshlar uchun tashkil etilgan futbol uchrashuvlari ularning sportga bo‘lgan qiziqishini kuchaytirib, sog‘lom turmush tarziga yo‘naltirmoqda.

Sportning Kikboksing turi orqali irodani chiniqltirish maqsadida Sport faoliyati fakulteti tomonidan esa Beruniy, Muruvvat, Qirg‘uli, Hamkorlik, Kimyogar va Tabassum MFYlarda istiqomat qilayotgan yoshlar uchun to‘garaklar tashkil etilib, muntazam faoliyat olib borilmoqda. Ushbu sport to‘garaklari orqali yoshlar nafaqat jismonan chiniqmoqda, balki o‘zlariga bo‘lgan ishonch va intizomni mustahkamlashmoqda. Bu borada Farg’ona davlat uiversiteti – yoshlar tarbiyasida ishonchli hamkor bo’lib xizmat qilmoqda.