Farg`ona davlat universiteti

TASHABBUS: FARZANDLAR UCHUN MAROQLI YOZ!

Yoz fasli – bolalik xotiralarining eng yorqin sahifalarini yaratadigan, quvonch, quvnoqlik va unutilmas lahzalarga boy davrdir. Shu boisdan ham, har yili an’anaga aylangan tarzda universitetimiz professor-o‘qituvchilari hamda ishchi-xodimlarining farzandlari uchun maroqli dam olishni tashkil etish maqsadida turli oromgohlarga yo‘llanmalar taqdim etiladi.

Joriy yilda ushbu xayrli tashabbus doirasida 30 nafar o‘g‘il-qizlar yozgi dam olish uchun qulay sharoitlarga ega bo‘lgan quyidagi oromgohlarga yuborildi:

Furqat tumanidagi "Shuxay" oromgohi;

Quvasoy shahridagi "Vodiy Gavhari" oromgohi;

"Bilimdon" bolalar oromgohi shular jumlasidandir.

Bu oromgohlar farzandlarimiz uchun nafaqat hordiq chiqarish, balki ularning dunyoqarashi, ijtimoiy faolligi, jamoada ishlash ko‘nikmalari va ijodiy salohiyatlarini rivojlantirish uchun ham katta imkoniyat yaratmoqda.

Oromgohlar hududida turli sport musobaqalari, teatr tomoshalari, intellektual o‘yinlar, tabiat sayohatlari va hunarmandchilik to‘garaklari yo‘lga qo‘yilgan. Farzandlarimiz nafaqat yangi do‘stlar orttirishmoqda, balki o‘zlarining qiziqishlariga mos faoliyatlar orqali vaqtlarini mazmunli o‘tkazmoqdalar.

Universitet ma’muriyati bu kabi tashabbuslar orqali o‘z xodimlari va ularning oilalari farovonligiga e’tibor qaratayotganini yana bir bor namoyon qilmoqda.