Farg`ona davlat universiteti

“QATAG’ON QURBONLARI” MUZEYIGA FAXRIY MEHMONLAR TASHRIFI

Ustozlar xotirasi e’tirof etilayotgan maskan – tarix va qadriyatlar uyg‘unligi aks etgan Farg‘ona davlat universiteti huzuridagi “Qatag‘on qurbonlari” muzeyi yaqinda yurtimiz oliy ta’lim sohasining vakillari uchun navbatdagi tarixiy tashrifga mezbonlik qildi. Mazkur tashrif Jizzax shahridan tashrif buyurgan faxriy mehmonlar ishtirokida o‘tdi.

Jumladan, Qozon (Volga bo‘yi) federal universitetining Jizzax shahridagi filial direktor o‘rinbosari Asatov Timur Nurmuhammadovich, hamda shu universitetning Aniq fanlar kafedrasi o‘qituvchisi, Farg‘ona davlat universitetining sobiq rektori Soli Sagatovning avlodi – Sagatov Xusan Jumaqulovich muzey faoliyati, undagi eksponatlar va tarixiy yodgorliklar bilan yaqindan tanishdilar.

Mehmonlar muzeyda namoyish etilgan ko‘plab eksponatlar – universitet tarixidan hikoya qiluvchi hujjatlar, qatag‘on davriga oid faktlar va rektorlar faoliyati aks etgan fotosuratlarni katta qiziqish bilan tomosha qildilar. Ayniqsa, universitet tarixida chuqur iz qoldirgan rektorlar xotirasiga ko‘rsatilayotgan ehtirom va mehr ularda iliq taassurot qoldirdi.

Tashrif yakunida mehmonlarga universitet tarixiga oid muhim nashr – “Ustozlar xotirasiga ehtirom” nomli kitob sovg‘a qilindi. Bu esdalik ular uchun nafaqat estetik, balki ma’naviy qiymatga ega bo‘ldi.