Farg`ona davlat universiteti

FarDU TALABALARI GERMANIYADA: TA’LIM, AMALIYOT VA YANGI TAJRIBALAR

“Dolzarb 90 kunlik” doirasida xalqaro amaliyot — Work and Travel dasturi orqali nemis tilidagi tajriba.

Farg‘ona davlat universitetining Xorijiy til va adabiyoti (nemis tili) yo‘nalishida tahsil olayotgan 30 dan ortiq talabalar hozirda Germaniyada Work and Travel dasturi doirasida bo‘lib turibdi.

Mazkur dastur — yoshlarning yozgi ta’til davrini mazmunli va samarali o‘tkazish, chet elda mehnat tajribasiga ega bo‘lish, til ko‘nikmalarini mustahkamlash hamda xalqaro madaniyatni chuqur o‘rganishga xizmat qiluvchi muhim tashabbuslardan biridir.

Talabalar nafaqat ishlashmoqda, balki Germaniyaning Berlin, Myunxen, Frankfurt kabi mashhur shaharlarida bo‘lib, diqqatga sazovor joylarni ham ziyorat qilishmoqda. Bu esa ularning mamlakatshunoslikka oid bilimlarini amaliy tajriba bilan boyitish imkonini bermoqda.

Ayniqsa, ish faoliyati davomida nemiszabon insonlar bilan muloqot qilish, real hayotda nemis tilini faol qo‘llash orqali talabalar o‘z kommunikativ ko‘nikmalarini mustahkamlab, tilni mukammal egallash sari katta qadam tashlashmoqda.

Bu kabi xalqaro dasturlar talabalarga nafaqat chet el tajribasini olish, balki mustaqil qaror qabul qilish, yangi muhitga moslashish, ko‘nikma va dunyoqarashni kengaytirish imkonini beradi.