Oliy ta’lim, fan va innovatsiyalar vazirining 2025-yil 10-avgustdagi 279-sonli qarorini amalga oshirish va 2025/2026-o‘quv yilini munosib boshlash maqsadida universitetda talabalarni turar joy bilan ta’minlashga bag‘ishlangan seminar-trening bo‘lib o‘tdi.
Tadbirda universitet rahbariyati, ma’naviy ishlar bo‘yicha dekan o‘rinbosarlari, tyutorlar hamda mas’ul xodimlar ishtirok etib, yangi o‘quv yilida talabalarni tezkor va shaffof tarzda joylashtirish bo‘yicha rejalar muhokama qilindi.
Seminarda o‘quv yilining ilk kunlarida yuzaga kelishi mumkin bo‘lgan muammolarni oldini olish, talabalarni munosib kutib olish va joylashtirish jarayonini tezlashtirish yo‘llari haqida batafsil tushuntirishlar berildi.
Shuningdek, 1-avgustdan 10-sentyabrga qadar universitetda “Dolzarb qirq kunlik” e’lon qilingani ta’kidlandi. Bu davrda talabalarga qulay sharoit yaratish va joylashtirish tizimini yanada samarali qilishga alohida e’tibor qaratiladi.
Barcha huquqlar himoyalangan. © 2025
Iltimos, kuting. Yuklanyapti...
