Farg`ona davlat universiteti

UNIVERSITET VA MAHALLA HAMKORLIGI: YOSHLAR SPORTIGA E’TIBOR

Farg’ona davlat universiteti tashabbusi bilan mahalla yoshlari va talabalar ishtirokida sportning futbol, volleybol, basketbol, taekvondo, kurash, gimnastika va stol tennisi turlari bo‘yicha musobaqalar tashkil etildi. Tadbir nafaqat raqobat, balki jamoaviylik, sog‘lom turmush tarzini targ‘ib etish va yoshlar orasida do‘stlik aloqalarini mustahkamlash maqsadida o‘tkazildi.

Musobaqa maydonchalarida yuqori ruh, ishtirokchilar esa faol edilar. Har bir sport turida qatnashchilar o‘z mahoratini ko‘rsatish, jamoaviy strategiya va individual texnikalarni sinab ko‘rish imkoniga ega bo‘ldilar. rasida Ota-onalar, mahalla faollari va talabalardan iborat tomoshabinlar tadbirning ijtimoiy ahamiyatini yanada oshirdi.

Musobaqalarda sportning quyidagi turlari bo’yicha ko‘rsatgan aniq natijalarva yoshlarning sportga bo’lgan shijoati sezilib turdi.

• -Futbol va basketbol jamoaviy o‘yinlarda tezkor qarorlar, aniq uzatmalar va kuchli jismoniy tayyorgarlik namoyon bo‘ldi;
• -Volleybol: raqibni o‘qish, aniqlik va hamkorlik ustunlik qildi;
• -Taekvondo va kurash: intizom, texnika va mantiqiy yondashuv ko‘zga tashlandi;
• -Gimnastika: nazokat va raqobatbardosh ijro orqali tomoshabinlarni lol qildi;
• -Stol tennisi: tezkor refleks va aniq taktika g‘oliblarni aniqlashda muhim bo‘ldi.

Tashkiliy jihatdan musobaqa adolatli hakamlik, qatnashchilar uchun qulay sharoitlar va g‘oliblar uchun esdalik sovg‘alari bilan ta’minlandi.

Universitet tomonidan tashkil etilgan bunday musobaqalar mahalla va oliy ta’lim muassasalari o‘rtasida hamkorlikni yanada kengaytirmoqda. Kelgusida bu tajriba asosida doimiy sport festivallari, murabbiylik maktablari va yoshlar uchun profilaktika dasturlari yo‘lga qo‘yilishi ko’zda tutilmoqda.