Farg‘ona shahrida o‘tkazilgan “FARG‘ONA OPEN 2025” xalqaro sport musobaqasida talabamiz yuksak natijaga erishdi. Grappling Prime Ligasi doirasida tashkil etilgan ushbu nufuzli bellashuvda Tabiiy fanlar fakulteti, Kimyo yo‘nalishi 3-bosqich talabasi Qirg‘izboyev Muhammadqodir barcha raqiblarini ortda qoldirib, faxrli 1-o‘rinni qo‘lga kiritdi va oltin medal sohibiga aylandi!
Musobaqa yurtimiz sportchilari, xususan, yoshlar orasida sog‘lom turmush tarzini targ‘ib qilish, jang san’atlari bo‘yicha mahoratni namoyish etish hamda xalqaro maydonda Vatanimiz sharafini munosib himoya qilishga qaratilgan.
Qirg‘izboyev Muhammadqodirning ushbu g‘alabasi — nafaqat uning shaxsiy yutug‘i, balki butun oliygoh jamoasi uchun ulug‘ faxr va iftixor hisoblanadi. U o‘zining matonati, kuchli tayyorgarligi va g‘alabaga bo‘lgan ishtiyoqi bilan ko‘pchilikka ibrat bo‘la oldi.