Farg`ona davlat universiteti

“DOLZARB 90 KUN”: VATANPARVARLIK TADBIRLARI

Farg‘ona davlat universiteti O‘zbek tili va adabiyoti kafedrasi professor-o‘qituvchilari tomonidan harbiy xizmatchilar orasida navbatdagi ma’rifiy-targ‘ibot tadbiri tashkil etildi.

Tadbir Farg‘ona viloyati Mudofaa vazirligi hamda Farg‘ona shahar 01041-harbiy qism bilan hamkorlikda, “Dolzarb 90 kun” loyihasi doirasida o‘tkazildi.

Mazkur uchrashuv O‘zbekiston Respublikasi Mustaqilligining 34 yilligi hamda “Qatag‘on qurbonlari xotirasi kuni” munosabati bilan “Vatan uchun, millat uchun, yurt uchun” shiori ostida bo’lib o’tdi.

Tadbir davomida vatanparvarlik, tarixiy xotira, milliy qadriyatlar, adabiyot va til madaniyatining ahamiyati haqida keng qamrovli ma’ruzalar tinglandi. Harbiy xodimlar va kursantlar bilan jonli muloqotlar, savol-javoblar orqali ularning tarixiy ongini mustahkamlashga qaratilgan tashabbuslar ilgari surildi.

Bunday tadbirlar yoshlarda milliy g‘urur va vatanparvarlik tuyg‘usini oshirish, tarixiy xotirani asrash hamda davlat mustaqilligining qadriga yetish kabi tuyg’ularni yanada yuksaltirishga xizmat qiladi.