Farg`ona davlat universiteti

“90 DAYS OF ENGLISH MAGIC” TO’GARAGI: YOZGI TA’TIL – BILIM VA ZAVQ UYG’INLIGI

Farg‘ona davlat universitetida yoshlarga ta’lim berish va bo‘sh vaqtlarini mazmunli tashkil etish maqsadida “Dolzarb 90 kun” loyihasi doirasida samarali faoliyatlar olib borilmoqda.

Shunday tashabbuslardan biri sifatida Ingliz tili va adabiyoti fakulteti talabalari tomonidan Farg‘ona tumani 11-maktabida “Xorijiy tillarni o‘qitish” loyihasi asosida ingliz tili to‘garagi yo‘lga qo‘yildi. To‘garak “90 Days of English Magic” nomi ostida tashkil etilgan bo‘lib, maktab o‘quvchilari uchun ingliz tilini qiziqarli va interaktiv uslubda o‘rganish imkonini bermoqda.

Mashg‘ulotlar davomida nafaqat darslar, balki tabiat qo‘yniga sayohatlar, turli xil o‘yinlar va interaktiv mashqlar orqali bolalarning til o‘rganishga bo‘lgan qiziqishi yanada oshirilmoqda.

Talabalar tomonidan olib borilayotgan ushbu tashabbus nafaqat ta’limiy, balki tarbiyaviy ahamiyatga ham ega bo‘lib, yoshlarda xorijiy tillarga mehr uyg‘otish, ularni faol fikrlashga o‘rgatish va jamoaviy ishlash ko‘nikmalarini shakllantirishga xizmat qilmoqda.