Farg`ona davlat universiteti

SPORT – SOG’LIK GAROVI, BAYRAM – BIRLIGIMIZ RAMZI!

Yurtimiz mustaqilligining 34 yilligi munosabati bilan Farg‘ona davlat universitetida “Vatan uchun, millat uchun, xalq uchun!” shiori ostida keng ko‘lamli sport musobaqalari boshlandi.

Tadbirning tantanali ochilish marosimida so‘zga chiqqan faxriy ustozlar, mustaqillik bayrami, qolaversa, boshlanayotgan yangi o’quv yili bilan barchani qizg’in tabrikladilar. Bayramlar oldidan tashkil etilgan mazkur musobaqa qatnashchilariga esa muvaffaqiyat va omad tiladilar. Ustozlarning ezgu tilaklari sport maydonida yanada ko‘tarinki ruh bag‘ishladi.

Musobaqalarda talabalar va professor-o‘qituvchilar faol ishtirok etib, o‘z mahorat va bilimlarini namoyon qilmoqdalar. Bellashuvlar sportning:

• -stol tennis;
• -shaxmat - shashka;
• -darts;
• -o‘q otish kabi turlarida bo’yicha tashkil etildi.

Bu musobaqalar nafaqat sportchilar uchun o‘z iqtidorini sinovdan o‘tkazish imkoniyati, balki jamoaviy ruh, do‘stlik va hamjihatlikni yanada mustahkamlash vositasiga ham aylandi.

Tadbir davomida sportchilar g‘alaba uchun astoydil kurash olib bormoqda, muxlislar esa bellashuvlarga katta qiziqish bilan guvoh bo‘lib, jamoasini qo‘llab-quvvatladilar.

Ushbu sport bayrami nafaqat jismoniy tarbiya va sog‘lom turmush tarzini targ‘ib etishga, balki Mustaqilligimiz bayrami tantanalariga o‘zgacha ruh bag‘ishlashga xizmat qilmoqda.