Farg`ona davlat universiteti

G’OLIBLARINI TAQDIRLASH MAROSIMI

O‘zbekiston Respublikasi davlat mustaqilligining 34 yilligi munosabati bilan “Vatan uchun, millat uchun, xalq uchun!” shiori ostida Farg‘ona davlat universitetida professor-o‘qituvchilar hamda ishchi-xodimlar o‘rtasida sport musobaqalari o‘tkazildi.

Musobaqalar davomida ishtirokchilar 5 ta sport turi bo‘yicha o‘z mahoratlarini sinovdan o‘tkazib, irodasi, jismoniy tayyorgarligi va jamoaviy ruhini namoyish etdilar. Bellashuvlar qizg‘in ruhda, do‘stona muhitda o‘tdi.

Yakuniy natijalarga ko‘ra, 30 nafar g‘olib hamda sovrindorlar aniqlandi. Ular tashkilotchilar tomonidan diplom va esdalik sovg‘alari bilan taqdirlandilar.

Tadbir nafaqat jismoniy sog‘lomlashtirish, balki universitet jamoasi o‘rtasida hamjihatlik, do‘stlik va sog‘lom turmush tarzini keng targ‘ib etishga xizmat qildi.

Universitet rahbariyati g‘oliblarni samimiy muborakbod etib, ularning kelgusida ham sport va mehnat maydonida yangi-yangi yutuqlarga erishishlarini tiladi.