Farg‘ona davlat universitetida san’at va ijod kechalari: TTJlarda teatr jozibasi
Farg‘ona davlat universitetida talabalar uchun navbatdagi ijodiy va madaniy tadbirlar start oldi! 2025-yil 20–23 oktabr kunlari talabalar turar joylarida (TTJ) Farg‘ona viloyati musiqali drama teatri aktyor va xodimlari ishtirokida ijodiy uchrashuvlar va konsert dasturlari tashkil etiladi. Har kuni soat 18:00 da bo‘lib o‘tadigan ushbu tadbirlar talabalarning bo‘sh vaqtlarini mazmunli o‘tkazish, ularning estetik dunyoqarashini kengaytirish va ijodiy muhitni yanada boyitishga xizmat qiladi.
Tadbir doirasida teatr san’ati vakillari o‘z ijodiy yo‘llari, sahna orti hayoti, aktyorlik mahorati va san’atga bo‘lgan muhabbat haqida so‘zlab berishadi. Tomoshabin talabalar nafaqat konsert dasturidan zavqlanishadi, balki o‘zlarini qiziqtirgan savollarga javob olish, professional san’atkorlar bilan fikr almashish imkoniyatiga ega bo‘lishadi. Bu esa ularning ijodiy tafakkuri, san’atga bo‘lgan munosabati va madaniy saviyasini oshirishda muhim qadam bo‘ladi.
Universitetda bunday madaniy-ma’rifiy tadbirlar muntazam ravishda o‘tkazilib kelinmoqda. Zero, san’at va madaniyat inson qalbini tarbiyalaydi, ruhiyatini yuksaltiradi. Ayniqsa, teatr san’ati o‘zining ta’sirchanligi, hayotiy syujetlari va aktyorlik o‘yini orqali yoshlarga chuqur taassurot qoldiradi.
Hurmatli talabalar! Sizni teatr va musiqa uyg‘unligidan iborat, iliq va samimiy kayfiyat baxsh etadigan ushbu ijodiy kechalarga taklif etamiz. Birgalikda san’at sehridan zavqlanaylik, yangi ilhom, yangi motivatsiya va ijobiy his-tuyg‘ular bilan boyib qaytaylik!
Tadbir sanasi: 2025-yil 20–23 oktabr
Boshlanish vaqti: 18:00
Manzil: Talabalar turar joylarida (TTJ), belgilangan jadval asosida
Farg‘ona davlat universitetining talabalat turar joylarida Farg‘ona viloyati musiqali drama teatri aktyor va xodimlari tomonidan talabalarning bo‘sh vaqtini mazmunli o‘tkazish maqsadida ijodiy uchrashuv hamda konsert dasturi
Reja-JADVALI
|
№ |
TTj nomi |
Talaba soni |
O‘tkaziladigan muddaati |
Tadbirlarni tashkillash, o‘tkazish bo‘yicha mas’ullar |
|
1 |
4-8-TTJlar |
682 |
20.10.2025 Soat 18:00 |
Dekan o‘rinbosari S.Abdullayev, yoshlar yetakchisi, yoshlar bilan ishlash, ma’naviyat bo‘limi uslubchisi U.Sobirov, Universitet yoshlar yetakchisi A.Axmadjonov. |
|
2 |
1,2,3,9,10-TTJlar |
2187 |
21.10.2025 Soat 18:00 |
Dekan o‘rinbosarlari O.Rahmatov, M.Tursunov, M.Xamidov, O‘.Rajabov, Sh.Tursunov, yoshlar yetakchilari, yoshlar bilan ishlash, ma’naviyat bo‘limi uslubchisi F.Madrahimova, D.Xoshimov Universitet yoshlar yetakchisi A.Axmadjonov. |
|
3 |
5-6-TTJ |
806 |
22.10.2025 Soat 18:00 |
Dekan o‘rinbosarlari O.Erkaboyev, O.Rahmatov, M.Tursunov, M.Xamidov, O‘.Rajabov, Sh.Tursunov, A.Mirsodiqov, R.Karimov, M.Xolovyoshlar yetakchilari, Universitet yoshlar yetakchisi A.Axmadjonov. |
|
4 |
11-TTJ |
800 |
23.10.2025 Soat 18:00 |
Dekan o‘rinbosarlari Sh.Ismoilov, O‘.Rajabov, Sh.Tursunov, A.Mirsodiqov, M.Xolov yoshlar yetakchisi, yoshlar bilan ishlash, ma’naviyat bo‘limi uslubchisi A.Ismoilov Universitet yoshlar yetakchisi A.Axmadjonov. |
|
Jami: 4475 |
Ma’sul bosh rejissor I.Rahimov
|
|||
Izloh: mazkur jadval asosida talabalar biriktirilgan mas’ullar bilan birgalikda yo‘l harakati va texnika xavfsizligi qoidalariga qat’iy amal qilgan holda, dars jarayoniga ta’sir qilmagan holda tashkillanadi;
Barcha huquqlar himoyalangan. © 2025
Iltimos, kuting. Yuklanyapti...
