Farg`ona davlat universiteti

“ISLOHOTLAR BILIMDONI” TANLOVI

O‘zbekiston Respublikasi Oliy ta’lim, fan va innovatsiyalar vazirligi, Madaniyat vazirligi, Yoshlar ishlari agentligi, Fanlar akademiyasi hamda Badiiy akademiya hamkorligida tashkil etilgan “Islohotlar bilimdoni” keng tarmoqli respublika ilmiy-ma’rifiy ko‘rik-tanlovining Farg‘ona davlat universiteti bosqichi yakuniga yetdi.

Mazkur tanlov mamlakatimizda amalga oshirilayotgan ijtimoiy-siyosiy va iqtisodiy islohotlarning mazmun-mohiyatini chuqur anglash, yoshlarning mafkuraviy immunitetini mustahkamlash, ijodiy faolligini hamda siyosiy madaniyatini yuksaltirishga qaratilgan.

Tanlov g‘oliblari:

“Eng faol milliy g‘oya va ma’naviyat targ‘ibotchisi” — Pedagogika-psixologiya va san’atshunoslik fakulteti, “Pedagogika” kafedrasi;

“Ma’naviy-ma’rifiy ishlar bo‘yicha eng yaxshi kafedra” — Pedagogika-psixologiya va san’atshunoslik fakulteti, “Pedagogika” kafedrasi;

“Eng faol xotin-qizlar maslahat kengashi raisi” — Tabiiy fanlar fakulteti xotin-qizlar bo‘yicha dekan maslahatchisi M. Dehqonboyeva;

“Eng faol islohotlar targ‘ibotchisi” (talabalar o‘rtasida) — Filologiya fakulteti, “Tojik tili yo‘nalishi” 4-bosqich talabasi Mandonova Farxunda Ravshan qizi;

“Eng yaxshi tyutor” — Iqtisodiyot fakulteti tyutori Z. Yuldasheva.

Tadbir yakunida g‘oliblar diplom va esdalik sovg‘alari bilan taqdirlandi.

Bu yutuq ularning fidokorona mehnati, ilmiy izlanishlari va ma’naviy yuksaklik sari intilishlarining amaliy ifodasidir.