Farg`ona davlat universiteti

FARDU TALABALARI BICHO–2026 XALQARO KIMYO OLIMPIADASIDA MUVAFFAQIYAT QOZONDI

Farg‘ona davlat universiteti (FarDU) talabalari BICHO–2026 — “Bukhara International Chemistry Olympiad” nufuzli xalqaro kimyo olimpiadasida muvaffaqiyatli ishtirok etib, yuksak natijalarni qo‘lga kiritishdi.

Olimpiada 2026-yil 26–28-yanvar kunlari Buxoro shahrida bo‘lib o‘tdi va unda turli davlatlardan kelgan iqtidorli talabalar o‘z bilim va tajribalarini sinovdan o‘tkazdilar.

Musobaqa natijalari bo‘yicha FarDU jamoasi quyidagi yutuqlarga erishdi:

2 ta kumush medal

2 ta bronza medal

G‘oliblar:

• -Abdusalomov Ilhomjon va Xudoberdiyev Obloyor — kumush medal sohiblari, ularning chuqur kimyo bilimlari va amaliy yechim ko‘rsatish qobiliyati yuqori baholandi.
• -Arabboyev Jo‘rabek va Tursunaliyev Abrorbek — bronza medal egalari, ular qat’iyat va mashaqqatli mehnat bilan yuqori natijaga erishdilar.

FarDU talabalari va ularni tayyorlagan ustozlarni ushbu yutuq bilan samimiy tabriklaymiz! Bu muvaffaqiyat nafaqat talabalarning shaxsiy mehnati va bilimini namoyish etdi, balki universitetning ilmiy salohiyati va yosh olimlarni qo‘llab-quvvatlashdagi faoliyatini ham ko‘rsatdi.

Ushbu yutuq kelajakdagi xalqaro musobaqalarda ham FarDU jamoasining muvaffaqiyat sari intilishini yanada kuchaytiradi va yosh olimlarimiz uchun motivatsiya manbai bo‘ladi.