Farg`ona davlat universiteti

1. Bosh sahifa

Iqtisodiyot fakulteti

FAKULTET TAQDIMOTI

Xalqaro loyihalar

IntraCom - Supporting the formation of an innovative economy by integration of science and enterprise through the development of innovation transfer competencies at the Universities

Fakultet dekani: Xonkeldiyeva Go`zal Sherovna

29.04.1975 yil Farg`ona viloyati Farg`ona shaxrida tug`ilgan.

Iqtisodiyot fanlari doktori, Professor

Ish telefon: +998-73-243-04-30

Qabul vaqti: har kuni 9:00-11:00

E-mail: honkeldiyeva@mail.ru

Ilmiy ishlar va innovatsiyalar bo‘yicha dekan o‘rinbosari:

Mirsodiqov Abdulla Tursunaliyevich

11.11.1989 yil Farg‘ona viloyati, Bog‘dod tumanida tug‘ilgan.

Iqtisodiyot fanlari bo‘yicha falsafa doktori (PhD).

Telefon: +998-93-042-40-03

Qabul vaqti: har kuni 9:00-12:00

Xotin-qizlar masalalari bo‘yicha dekan maslahatchisi:

Nematova Shaxlo Egamberdiyevna

30.06.1974 yil, Farg‘ona viloyati, Farg‘ona shahrida tug‘ilgan.

Telefon: +99891-680-78-70

Qabul vaqti: Har kuni 9:00-12:00

“IQTISODIYOT VA TURIZM” KAFEDRASI

Kafedra mudiri: Mirzayev Abdullajon Topilovich

05.11.1982 yil, Farg‘ona viloyati Beshariq tumani.

Iqtisodiyot fanlari doktori, professor.

Telefon: +99894-134-53-70

Qabul vaqti: Har kuni 9:00-12:00

E-mail: abdubehr@mail.ru

Kafedra 1993-yil 7-yanvarda universitet rektori buyrug‘iga asosan bozor nazariyasi va agrobiznes nomi ostida iqtisodiyot fakulteti tarkibida tashkil etilgan. Keyinchalik xalqaro iqtisodiy munosabatlar, iqtisodiy va sotsial rejalashtirish, mehnat iqtisodi va sotsiologiyasi, menejment, iqtisodiyot nomlari bilan yuritilgan. 2018-yil 30-avgustdan “Iqtisodiyot va servis” kafedrasi deb nomlanib, hozirda kafedra tarkibida turizm sohasi bo‘yicha bakalavriat va magistratura mutaxassisligining ochilishi hisobiga “Iqtisodiyot va turizm” nomiga o‘zgartirildi. Кafedra asosiy shtatida 2 nafar fan doktori (shundan, 2 nafari professor), 2 nafar fan nomzodi, professor, v.v.b., 2 nafar PhD, dotsent,v.v.b., 3 nafar PhD, katta o‘qituvchilar va 2 nafar o‘qituvchilar faoliyat olib bormoqdalar.

Oliy ta’limning ikki bosqichli tizimga o‘tkazilishi, fakultetda bakalavriat va magistrlar tayyorlanishining yo‘lga qo‘yilishi 2003-yil 1-fevraldan boshlab rahbariyat ko‘rsatmalari asosida amaldagi bozor nazariyasi va agrobiznes hamda mehnat iqtisodi va sotsiologiyasi kafedralari negizida “Iqtisodiyot” kafedrasi tashkillandi. Kafedra qoshida 2000-yilda 5A340102 – “Tarmoqlar iqtisodiyoti” mutaxassisligi bo‘yicha magistratura faoliyati yo‘lga qo‘yildi. Hozirgi kunda magistrantlarga yetakchi professor va dotsentlar tahsil berib kelmoqdalar.

Kafedra tarkibida uch yo‘nalish asosida ta’lim berish tizimi yo‘lga qo‘yilgan bo‘lib, bular 60310100 – Iqtisodiyot (tarmoqlar va sohalar bo‘yicha) va 61010100 – Mehmonxona xo‘jaligini tashkil etish va boshqarish hamda 61010100 - Turizm va mehmondo‘stlik yo‘nalishlaridir. Bakalavriat ta’lim yo‘nalishi talabalariga ham kafedraning yetakchi professor-o‘qituvchilari ma’ruza va amaliy mashg‘ulotlar o‘tib kelmoqdalar. Shu bilan birga kafedrada 70410102 – Iqtisodiyot hamda 71010101 – Turizm va mehmondo‘stlik mutaxassisligi bo‘yicha magistrantlar tayyorlanadi.

Iqtisodiyot yo‘nalishi bitiruvchilari bugungi kunda respublikamiz iqtisodiyotining turli sohalarida o‘z faoliyatlarini olib borayotgan bo‘lsa, mehmonxona xo‘jaligini tashkil etish va boshqarish hamda turizm va mehmondo‘stlik yo‘nalishi bitiruvchilari mamlakatimizning turizm sohasi korxonalari va infratuzilmalarida ishlamoqdalar.

“Iqtisodiyot va turizm” kafedrasida bakalavriat yo‘nalishi talabalariga iqtisodiyot nazariyasi, Iqtisodiy taʼlimotlar tarixi, Iqtisodiyot, menejment, mikroiqtisodiyot, makroiqtisodiyot, raqamli iqtisodiyot, institutsional iqtisodiyot, investitsiya va innovatsiyalar, tarmoqlar iqtisodiyoti, dinamik makroiqtisodiyot, turizm va mehmonxona xo‘jaligi menejmenti, turizm:nazariya va amaliyot, restoran biznesi, mehmonxonada brending, menejment va marketing, xalqaro turizm: nazariya va amaliyot, turizm va mehmonxona xizmatlari iqtisodiyoti, turizmda transport xizmatlari, ixtisoslashgan mehmonxona turlari, mehmonxona xo‘jaligida xavfsizlik xizmati, turoperator menejmenti, biznesga kirish, bojxona ishi, innovatsion menejment, mintaqaviy turizm, ekoturizm, Mehmonxona xizmatlari sifatini boshqarish, Mehmonxonalarda ishbilarmonlik etiketi, mikroiqtisodiyot-2, ekonometrika 2, biznesni tadqiq etish usullari, korxona iqtisodiyoti va innovatsiyalarni boshqarish, ijtimoiy-iqtisodiy jarayonlarni modellashtirish va prognozlashtirish, Korxonalarni rivojlantirish strategiyasi, makroiqtisodiyot-2, real sektorda sifatni boshqarish, real sektorni davlat tomonidan tartibga solish, raqobat strategiyasi, zamonaviy korporativ boshqaruv kabi fanlar o‘qitiladi.

2023-yildan boshlab kafedra bazasida 08.00.01 – Iqtisodiy nazariya ixtisosligi bo‘yicha tayanch doktorantura mustaqil izlanuvchilik asosida tadqiqotchilar tayyorlanadi.

Chop etilgan ilmiy ishlar haqida ma’lumot:

1.50 ga yaqin monografiyalar

2.100 ga yaqin o‘quv-uslubiy qo‘llanma, ko‘rsatma, ilmiy, ilmiy - ommabop risolalar

3.1000 ga yaqin ilmiy maqola va tezislar

“Iqtisodiyot va turizm” kafedrasi professor-o‘qituvchilari:

JAHON VA MINTAQA IQTISODIYOT KAFEDRASI

Kafedra mudiri: Jo‘rayeva Nodiraxon Qurbonovna

1986 yil 25-aprelda Farg‘ona viloyati Yozyovon tumanida tug‘ilgan.

Iqtisodiyot fanlari bo‘yicha falsafa doktori (PhD).

Telefon: +99890-407-00-24

Qabul vaqti: Dushanbadan-jumagacha 14:00-16:00

E-mail: nodiraxonnum1@gmail.com

Farg‘ona davlat pedagogika instituti tashkil etilishi bilan 1930 yilda boshqa fanlar qatorida ijtimoiy-gumanitar fanlar ham maxsus kurslar sifatida ta’lim-tarbiya tizimiga kiritilgan edi. Ijtimoiy fanlar tarkibida esa falsafa, iqtisodiyot va tarix fanlari ham mavjud bo`lib, iqtisodiyot fani siyosiy iqtisod kursi sifatida ta’lim tizimidan o`rin egallagan edi.

1960 yili Ijtimoiy fanlar kafedrasi tugatilib, undan maxsus mustaqil ijtimoiy kafedralar qatorida Siyosiy iqtisod kafedrasi tashkil topdi.

1991 yil 1 martida davlat pedagogika instituti Respublikada Farg‘ona davlat universitetiga aylantirilganidan so‘ng va pedagogik ta’limning Farg‘ona pedagogika institutida tashkil topganining 60 yilligida kafedra nomi Iqtisodiyot nazariyasi nomi bilan yuritila boshlandi.

Universitet rektori buyrug‘iga asosan 2019 yildan Iqtisodiyot nazarayasi kafedrasi o‘rniga Mintaqaviy iqtsodiyot va buxgalteriya hisobi kafedrasi ish boshladi.

2022 yil sentyabr oyida Mintaqaviy iqtsodiyot va buxgalteriya hisobi kafedrasi Jahon va mintaqa iqtisodiyoti kafedrasiga aylantirildi. Kafedrada 2 nafar fan doktori, professor, 6 nafar fan nomzodi, dotsentlar, 1 nafar o`qituvchilar faoliyat yuritmoqdalar.

Asosiy shtatdagi ilmiy saloxiyat 84% tashkil etadi

Hozirda 60310300 -Mintaqaviy iqtisodiyot va 60411900 -Jahon iqtisodiyoti va xalqaro iqtisodiy munosabatlar va 60411000 – Inson resurslarini boshqarish ta’lim yo`nalishida bakalavrlar tayyorlanadi. Bugungi kunda, kafedra professor-o`qituvchilari tomonidan 30 dan ortiq iqtisodiy fanlar o`qitiladi.

Kafedrada iqtidorli talabalarni ilmiy-tadqiqot ishlariga jalb etish jarayoni jonlantirildi, natijada 2010-2022 yillarda yo`nalish talabalaridan J.Madaminov (G.Xalmatjanova rahbarligida), Q.Xomidov (G.Xalmatjanova rahbarligida), Z.Mirzaaxmadova (G.Xalmatjanova rahbarligida) Navoiy nomidagi nomdor stipendiya sohiblari degan nomga sazovor bo‘ldilar.

Jahon va mintaqa iqtisodiyoti kafedrasi ayni kunlarda Rossiyaning G.V.Plexanov nomidagi Rossiya Iqtisodiyot universiteti, Shimoliy Kavkaz Federal universiteti, Qozog`istonning Gumilyov nomidagi milliy universiteti, Chimkent

universiteti, Qirg`izistonning Osh davlat universiteti, O`zbek-Qirg`iz universitetlari bilan bevosita hamkorlik aloqalarini olib boradi.

Jahon va mintaqa iqtisodiyoti kafedrasi professor-o`qituvchilari

Professor-o‘qituvchilar tarkibi

Izoh: Xalqaro bazalardagi profil linki ko’rsatilgan qatorga Scopus, Web of Science (WoS) va Google Scholar bazalaridagi maqolalarning havolalari keltiriladi

BUXGALTERIYA HISOBI VA MOLIYA KAFEDRASI

Kafedra mudiri: Oripov Abdumalik Abdusalomovich

1983-yil 28-mart kuni Farg‘ona viloyati Rishton tumanida tug‘ilgan.

Iqtisodiyot fanlari bo‘yicha falsafa doktori (PhD).

Telefon: +99890-290-66-52

Elektron pochta: aaoripov@gmail.com

Qabul vaqti: Har kuni 13:00-16:00

Kafedra haqida

Buxgalteriya hisobi va moliya kafedrasi universitetning 2025-yil 1-avgustdagi 491-son buyrug‘iga muvofiq Iqtisodiyot fakulteti tarkibidagi “Buxgalteriya hisobi va iqtisodiy tahlil” hamda “Moliya” kafedralari negizida tashkil etilgan bo‘lib, unga iqtisodiyot fanlari bo‘yicha falsafa doktori (PhD) A.Oripov kafedra mudiri etib tayinlandi.

Hozirda kafedrada asosiy ish o‘rnida 13 nafar professor-o‘qituvchi faoliyat olib bormoqda va ularning 8 nafari fan nomzodi va falsafa doktori (PhD) ilmiy darajasiga ega bo‘lib, shundan 3 nafari dotsent ilmiy unvoniga ega. Shu bilan birga 2 nafar professor-o‘qituvchi katta o‘qituvchi, qolgan 3 nafari esa o‘qituvchi lavozimida faoliyat olib bormoqda. Kafedraning asosiy shtatga nisbatan ilmiy salohiyati 61,5%ni tashkil etadi.

Ta’lim yo‘nalishlari va ixtisosliklar:

Bakalavriat:

60410200 – Buxgalteriya hisobi

60410500 – Moliya va moliyaviy texnologiyalar

60410700 – Statistika

60410600 – Sug‘urta ishi

Tayanch doktorantura:

08.00.06 – Ekonometrika va statistika

Ilmiy va ijodiy faoliyat

“Buxgalteriya hisobi va moliya” kafedrasi jamoasi 2025-2026 o‘quv-yilida samarali natijalarga erishish, jumladan, kafedra professor-o‘qituvchilari salohiyatini 61,5%dan oshirish, professor-o‘qituvchilarini ilmiy sohaga yo‘naltirish hamda ilmiy faoliyat bilan shug‘ullanishlari uchun sharoit yaratish, kafedrada faoliyat olib borayotgan ilmiy darajaga ega bo‘lmagan o‘qituvchilarni ilmiy tadqiqot ishlariga jalb etish, joriy o‘quv-yilida kafedrada ilmiy-tadqiqot sohasida olib borilayotgan ishlarni yanada takomillashtirish, magistraturani tamomlagan iqtidorli tadqiqotchilarni kafedraga ishga olib qolish, katta ilmiy-xodim izlanuvchi institutiga kirishiga tayyorlash hamda doktorlik dissertatsiyalarini qisqa muddatlarda himoya qilish kabi masalalar ilmiy-tadqiqot ishlarini rivojlantirish rejasida ko‘zda tutilgan.

Kafedra professor-o‘qituvchilar tomonidan so‘nggi 5-yilda 20 ta monografiya, 30 ga yaqin o‘quv-uslubiy qo‘llanma, ko‘rsatma, ilmiy, ilmiy-ommabop risolalar, xalqaro («Web of Science», «Scopus» jurnallarda) va respublika miqyosidagi nufuzli ilmiy jurnal, ilmiy-amaliy konferensiya materiallari to‘plamlarida 200 tadan ortiq ilmiy maqola va tezislar nashr etildi.

Kafedradaning erishgan yutuqlari

Ilmiy daraja va unvon olganlar:

A.Asraqulov (dotsent, 2025-y.), Sh.Maxsudov (PhD, 2025-y.)

Kafedra fanlari

Bakalavriat:

•Akademik ko‘nikmalar va kasbiy kompetentlik

•Aktuar uslublar

•Amaliy ekonometrika

•Audit

•Audit va turdosh xizmatlar

•Auditning xalqaro standartlari

•Bank ishi

•Banklarda buxgalteriya hisobi

•Banklarda iqtisodiy tahlil

•Biznes tahlil

•Boshqa tarmoqlarda audit xususiyatlari

•Boshqaruv hisobi

•Boshqaruv hisobiga kirish

•Buxgalteriya hisobi

•Buxgalteriya hisobi tadqiqot usullari

•Buxgalteriya hisobi va soliqqa tortish

•Buxgalteriya hisobining dasturiy komplekslari

•Byudjet hisobi

•Davlat moliyasi

•Davlat sektori buxgalteriya hisobi

•Davlat xaridlari

•Ekonometrika

•Ekonometrikaga kirish

•G‘aznachilik

•Ichki audit

•Ijtimoiy-iqtisodiy statistika

•Iqtisodiy tahlil

•Korporativ moliya

•Moliya

•Moliya asoslari

•Moliya bozori va moliyaviy texnologiyalar

•Moliyaviy hisob

•Moliyaviy hisob asoslari

•Moliyaviy hisobning xalqaro standartlari

•Moliyaviy hisobot

•Moliyaviy hisobot tahlili

•Moliyaviy iqtisodiyot

•Moliyaviy menejment

•Moliyaviy tahlil va audit

•Moliyaviy texnologiyalar

•Moliyaviy tizimlar va inqirozlar

•Personal moliya

•Portfel nazariysi va moliyaviy bozorlar

•Pul va banklar

•Soliqlar va soliqqa tortish

•Statistika

•Statistika nazariyasi

•Sug‘urta ishi

•Tannarx kalkulyatsiyasi

•Xalqaro buxgalteriya hisobi

Xalqaro hamkorlik

Buxgalteriya hisobi va moliya kafedrasi dunyoning nufuzli ilmiy markazlari va oliy ta’lim muassasalari bilan samarali hamkorlikni yo‘lga qo‘ygan. Ushbu hamkorliklar doirasida qo‘shma ilmiy tadqiqotlar, maqolalar, stajirovkalar, onlayn seminarlar va loyihalar amalga oshirilmoqda.

Hamkor universitetlar va ilmiy markazlar:

Perm davlat ilmiy tadqiqotlar universiteti (Rossiya), Osh davlat universitetining Iqtisodiyot, biznes va menejment instituti (Qirg‘iziston), M.Auezov nomidagi Janubiy Qozog‘iston universiteti (Qozog‘iston), Tojikiston davlat huquq, biznes va siyosat universiteti (Tojikiston) bilan hamkorlikda ilmiy-tadqiqotlar, talabalarning akademik almashinuvi, xorijiy professorlarni o‘quv mashg‘ulotlariga jalb etish, hamkorlikda ilmiy-amaliy konferensiyalar o‘tkazish, xalqaro loyihalarda hamkorlik, qo‘shma ta’lim dasturlarini tashkil etish yo‘nalishlarida faoliyat olib borilmoqda.

Bugungi kunga qadar Osh davlat universitetining Iqtisodiyot, biznes va menejment instituti bilan hamkorlik doirasida 10 dan ortiq professor-o‘qituvchilar almashinuvi, 60 ga yaqin talabalarning akademik almashinuvi amalga oshirildi, 2 ta xalqaro ilmiy-amaliy konferensiya o‘tkazildi.

M.Auezov nomidagi Janubiy Qozog‘iston universiteti bilan hamkorlik doirasida kaferaning 3 nafar professor-o‘qituvchilari tomonidan iqtisodiy yo‘nalishdagi talabalarga ma’ruza hamda amaliy mashg‘ulotlar tashkil etildi.

Perm davlat ilmiy tadqiqotlar universiteti bilan imzolangan hamkorlik memorandumi doirasida 2026-2027-o‘uv-yilidan qoshma ta’lim dasturini yo‘lga qo‘yish bo‘yicha kelishuvlar amalga oshirilmoqda.

Tojikiston davlat huquq, biznes va siyosat universiteti tashabbusi bilan tashkil etilgan xalqaro konferensiyada kafedraning yetakchi professor-o‘qituvchilari ishtirok etib, hamkorlikda xalqaro kollektiv monografiya nashr etildi. Shu bilan birga Tojikiston davlat huquq, biznes va siyosat universitetining 2 nafar professor-o‘qituvchilari kafedra tomonidan amalga oshirilayotgan o‘quv jarayoniga muntazam jalb etib kelinmoqda.

Buxgalteriya hisobi va moliya kafedrasi professor-o‘qituvchilari tarkibi