Farg`ona davlat universiteti

1. Bosh sahifa

Ijtimoiy faoliyat

Farg‘ona davlat universitetida psixologik qo‘llab-quvvatlash

Ba’zan kundalik hayotdagi qiyinchiliklarni yengib o‘tish mushkul bo‘lishi mumkin. Shu bois Farg‘ona davlat universiteti psixologlari sizning ruhiy salomatligingizni qo‘llab-quvvatlashga ko‘rsatishga tayyor.

Bizning psixologik xizmat 5 yo‘nalishda olib boriladi:

1. Psixologik profilaktika – talabalar, ota-onalar va pedagoglarda psixologik bilimlarni shakllantirish, muammolar oldini olish.
2. Psixologik diagnostika – talabalarni individual jihatdan chuqurroq o‘rganish, ta’lim-tarbiyadagi nuqsonlarni aniqlash.
3. Psixologik korrektsiya – shaxs rivoji va individual salohiyatni shakllantirishda yordam berish.
4. Psixologik ma’rifat va tashviqot – ma’ruzalar, seminar-treninglar va mashg‘ulotlar orqali psixologik madaniyatni oshirish.
5. Psixologik maslahat – talabalar, ota-onalar va o‘qituvchilarga shaxsiy, kasbiy yoki hayotiy muammolarini hal qilishda yo‘l-yo‘riq berish.

2024–2025 o‘quv yilida universitet bo‘ylab 200 dan ortiq psixoprofilaktik tadbir va treninglar tashkil etilib, ularda 8000 dan ortiq talaba ishtirok etdi. Jumladan:

• 78 ta psixologik trening
• 77 ta ochiq muloqot va davra suhbatlari
• 46 ta TTJlarda tadbirlar
  Shuningdek, dekan o‘rinbosarlari va t’yutorlar murojaati asosida 210 nafardan ortiq talaba bilan individual suhbatlar o‘tkazildi.

Psixologik Maslahat (PM)

Agar o‘zingizni bezovta his qilsangiz, tushkunlikka tushsangiz universitet psixologi bilan Psixologik Maslahat (PM) uchrashuvini belgilashingiz mumkin.

15 daqiqalik qisqa suhbat davomida (online yoki psixolog xonasi) siz:

• Muammoyingizni ishonchli tarzda bayon qilishingiz
• Keyingi qadamlar bo‘yicha maslahat olishingiz
• Zarur xizmatlarga yo‘naltirilishingiz mumkin

✓ Aloqa: Fotima Abdullaeva, tel. +998 91 568-55-40
✓ Ish vaqti: Dushanba–Juma, soat 09:00dan – 17:00gacha

Uchrashuvdan unumli foydalanish uchun:

• O‘z vaqtida keling
• Asosiy tashvishingizni qisqa bayon qilishga tayyor bo‘ling