​Ingliz tili va adabiyoti fakulteti

FAKULTET HAQIDA UMUMIY MA`LUMOT

Ingliz tili va adabiyoti fakulteti 2021-yilda tashkil etilgan. Bugungi kunda fakultetda 30 dan ziyod professor-o’qituvchilar faoliyat olib bormoqda. Fakultet tarkibida 2ta kafedra: Ingliz tilini o’qitish metodikasi va Amaliy Ingliz tili kafedralari mavjud. Hozirgi davrning dolzarb masalalaridan biri xorijiy tillarni o’qitish orqali yosh avlodni ona-Vatanga muhabbat va sadoqat, milliy g’urur, yuksak axloq va ma’naviyat, qadimiy va boy merosimizga iftixor tuyg’usi, milliy va umuminsoniy qadriyatlar ruhida tarbiyalashdir. Jahon ta’lim tizimidagi tub islohotlar talabalarning chet tillarni mukammal o’rganishlari, barcha sohalarda chet tilini bilgan holda o’zlarini namoyon eta olishlari uchun zarur shart- sharoit yaratib berish, ularning xorijiy tilda og’zaki va yozma nutqlarini rivojlantirish muammolarini ilgari surmoqda. Fakultetimiz jamoasining asosiy maqsadi talabalarni ingliz tilida o’qitish hamda shu tilda erkin so’zlasha oladigan mutaxassislarni tayyorlash, yoshlarning jahon tamadduni yutuqlari hamda butun dunyo axborot resurslaridan foydalanishlari, xalqaro hamkorlik va muloqotni rivojlantirish uchun shart-sharoitlar yaratishdir. Bizdagi fidoiy va talabchan ustozlar sharofati bilan talabalarga ingliz tili har tomonlama mukammal, ham nazariy, ham amaliy o’rgatiladi. Shuningdek, fakultetimizda Nargiza Toirova, Dilafruz Ibragimova, Alimardon Toshmatov, Luiza Galimullina, Iqboljon G’afforov kabi professor-o’qituvchilarimiz say-harakatlari bilan bir nechta xalqaro loyihalar amalga oshirildi. Quvonarlisi bu loyihalar qiymati qariyb 60.000$ ni tashkil qiladi. Xususan SUZ80020GR0040 raqamli English ACCESS Microscholarship Program (ACCESS) loyihasi, muddati 2020 – 2022, 2022-2204 yillar, “EMI (English as a medium of instruction)” loyihasi, muddati- 2019-2021, “Drama club” loyihasi, muddati- 1.10.2021 dan 30.09.2022 gacha amalga oshirilgan. Ushbu xalqaro loyihalarning zamirida yoshlarimizni til o’rganish jarayonini yanada chuqurlashtirish, Inglizzabon xalqlarning madaniyati va adabiyoti haqida yanada ko’proq ma’lumotga ega bo’lish kabi dolzarb masalalar qamrab olingan. 2017 yildan boshlab ingliz tili va adabiyoti fakulteti AQSh elchixonasi bilan yaqin hamkorlikda boʻlib, AQShdan mutaxassislarni qabul qilib keladi. English Language Fellow programmasi bo’yicha amerikalik mutaxassis Grem Derri, (2017 yilning sentyabridan 2019 yilning mayigacha) 2020 yilning sentyabridan boshlab Keyt Virdjiniya Bridjman 2021-2024 yillar mobaynida Meri Strabala ingliz tili va adabiyoti fakultetida faoliyat ko’rsatdilar.

Bundan tashqari, Fulbrayt stipendiati Keti Reymond fakultet talabalair va oʻqituvchilarning ilmiy maqola yozish koʻnikmalarini oshirishga yordam berish maqsadida 2019 yil 11 maydan 1 iyunigacha (uch hafta) va 2020 yil 2 maydan 16 maygacha (ikki hafta) fakultetda faoliyat olib bordi.

English Teaching Assistant programmasi bo’yicha Amerika Access loyihasi talabalari va fakultet talabalari bilan 2021 yilning fevralidan 30 dekabrigacha (ETA) Xanna Rotvell va Kseniya Matisni taklif qilingan.

Germaniyadan Rayner Bleyx 2022 yilda SES dasturi boʻyicha fakultet talabalari bilan ishladi.

2024 yilning 18 aprelida amaliy ingliz tili va ingliz tili oʻqitish metodikasi kafedralari tomonidan xalqaro konferensiya tashkil etildi. Konferensiyada AQShdan 4 va Malayziyadan 4 nafar mutaxassis oʻz ma'ruzalari bilan faol ishtirok etdi:

•Djon D. Banting, filosofiya doktori, bosh katta oʻqituvchi, ingliz tilini intensiv oʻrganish dasturi direktori, amaldagi lingvistika kafedrasi, Djordjiya davlat universiteti, AQSh

•Robin Valeri Kesi, katta oʻqituvchi, ingliz tilini intensiv oʻrganish dasturi direktori, amaldagi lingvistika kafedrasi, Djordjiya davlat universiteti, AQSh

•Sheron Santmayer, oʻqituvchi, ingliz tilini intensiv oʻrganish dasturi direktori, amaldagi lingvistika kafedrasi, Djordjiya davlat universiteti, AQSh

•Xizer Kemp, ingliz tili professori, Minnesota davlat universiteti, AQSh

Bu oʻquv yilida Ave Mariya Kim fakultetda ingliz tili va adabiyoti talabalarining madaniy xilma-xillik kompetensiyasini rivojlantirish uchun assistent oʻqituvchi sifatida ishlaydi.

Bu esa ta’lim jarayonida talabalarga haqiqiy ingliz ta’lim muhitini his qilishga va ta’lim sifatiga ijobiy ta’sir ko’rsatadi.