FAKULTET HAQIDA UMUMIY MA`LUMOT

Fakultet 1970-yilda Farg‘ona davlat pedagogika institutining chet tillarini o‘qitish bo‘limi negizida roman-german filologiyasi nomi bilan tashkil etilgan. 1999-yilda fakultet rus filologiyasi fakulteti bilan birlashtirilib, xorijiy filologiya, 2004-yili o‘zbek filologiyasi fakulteti bilan birlashtirilib, filologiya fakulteti tashkil topgan. 2014-yildan chet tillari fakulteti qayta tashkil etilgan.

Fakultetda 1961-yildan ingliz tili, 1966-yildan nemis tili, 1994-yildan fransuz tili, 2019-yildan gid hamrohligi va tarjimonlik faoliyati (ingliz tili) ta’lim yo‘nalishlari bo‘yicha mutaxassislar tayyorlash yo‘lgan qo‘yilgan. 1991-1999-yillari sharq tillari (arab tili, fors tili), 2008-2013-yillari sharq tillari (xitoy tili) yo‘nalishlari bo‘yicha mutaxassislar tayyorlangan. 2014-yildan buyon xorijiy til va adabiyoti (ingliz tili), 2016-yildan xorijiy til va adabiyoti (nemis tili, fransuz tili) yo‘nalishlari bo‘yicha mutaxassislar tayyorlash yo‘lga qo‘yildi. 2011-yildan boshlab Lingvisitika (nemis tili), 2013-yildan Lingvisitika (ingliz tili) mutaxassisligi bo‘yicha magistrlar tayyorlanmoqda.

O‘zbekiston Respublikasi Prezidentining 2012-yil 10-dekabrdagi «Chet tillarni o‘rganish tizimini yanada takomillashtirish chora-tadbirlari to‘g‘risida»gi №PQ-1875-sonli qarori qabul qilingandan so‘ng xorijiy tillarni o‘rganishga bo‘lgan talab va soha mutaxassislariga bo‘lgan ehtiyoj yanada ortdi. Natijada 2014-yilda chet tillari fakulteti filologiya fakultetidan ajrab chiqdi.

2020-2021-o‘quv yilida mavjud 4 ta ta’lim yo‘nalishining 72 ta akademik guruhida 1682 nafar, shundan 521 nafari kechki ta’lim shaklida (265 nafari davlat granti, 1417 nafari to‘lov kontarkt asosida) tahsil olmoqda.

Hozirda chet tillari fakulteti tarkibida 4 ta – ingliz tili, nemis va fransuz tillari, tabiiy yo‘nalishlar bo‘yicha chet tillari, gumanitar yo‘nalishlar bo‘yicha chet tillari kafedralari faoliyat ko‘rsatmoqda. Mazkur kafedralarda 6 nafar fan nomzodi va filologiya bo‘yicha falsafa doktori (PhD), dotsentlar hamda 100 dan ortiq yuqori malakali professor-o‘qituvchilar magistr va talabalarga bilim bermoqdalar.

Fakultet talabalarining 1 nafari Alisher Navoiy nomidagi davlat stipendiyasiga sazovor bo‘lgan.

Talaba va magistrantlarning til bilish ko‘nikmalarini yanada oshirish maqsadida Germaniyaning Robert Bosh fondi, SES tashkiloti va AQSH elchixonasi bilan hamkorlikda xorijlik nemis tili, fransuz tili, ingliz tili mutaxassislari o‘quv jarayonlariga jalb etilmoqda.

tamomlagan o‘nlab talabalar Buyuk Britaniya, Germaniya, Xitoy, Janubiy Koreya singari davlatlarda magistratura bosqichida tahsil olmoqda.